المقادير
الاول الكوبايه المستخدمه فى القياس كوبايه المايه مش المج
المقادير
6بيضات
كوب سكر عادى مش بودره
كوبايه ونص دقيق
معلقه ونصف نشا
معلقه ونصف كاكاو منخول
1/2 كوبايه مايه من الحنفيه
معلقه كبيره محسن كيك جل (مهمه جدا جدا الشغل كله عليها )
معلقه صغيره بيكنج بودر
فانيليا
الطريقه
هنحط كل المقادير الجافه اولا ونضربها 10 دقايق بالمضرب الكهربائى و10دقايق كمان اما نحط السايله
يعنى
اولا الدقيق والكاكاو والباودر والسكر والنشا مع بعضهم 10 ق ثم فوقهم
البيض والفانيليا والمحسن والميه وطبعا نبطن صينيه بورق الزبده وعلى فرن
سخن من قبل الشغل وده شكلها بعد 10دقايق
المهم متفتحيش عليها قبل 25 دقيقه
ولما تستوى سيبيها فى الفرن متطلعيهاش الا لما تبرد
وبعدين سيبيها على سلك لحد ما تبرد خالص وعلى التلاجه لتانى يوم علشان تعرفى تقسميها كويس
والحشو
كريم شانتى عادى جدا بودرة او اكياس واعملى براحتك ع حسب الصينيه بتاعتك
طريقه الشيكولاته اللى على الوش
نصف كوبايه مايه +نصف كوبايه سكر +نصف كوبايه كاكاو خام مع بعض على النار لما يغلوا شويه
نضيف لهم معلقتين جيلاتين صغيرين مدوبين فى ربع كوبايه مايه دافيه ومعلقه عسل للمعه وبعدين صفيه واستخدميه لما يبرد خالص
والشكولاته المربعات دى بسيح شكولاته خام وافرغها ع ورق زبده وقبل ماتجمد
بحاجه بسيطه امشى عليها بالسكينه مربعات وبس كدا وازين بيها
الف هنا
ليست هناك تعليقات