قاطو العسل بالنسكافيه

المقادير تقيسي المقادير بنفس الكاس
كاس بيض , نص كاس سكر , نص كاس زبدة ذايبة و باردة , كاس كاوكاو مقلي و مرحي متوسط , كاس بيمو مرحي و مغربل , ملعقة كبيرة فانيلا , ملعقتين كبار نسكافي , ملعقتين كبار كاكاو , و كيس خميرة وعسل

التحضير
ديري البيض مع السكر تضربيهم مليح و تزيديلهم الزبدة ثم
البيمو المرحي تضيفيه هو و الكاوكاو
و من بعد نضيفو الفانيلا ثم النسكافي و الكاكاو و الخميرة و نخلط مليح ندهن القوالب بالزبدة و نضع في كل قالب ملعقة اكل من الخليط لانو رايح ينتفخ و ندخلوه فرن ساخن مقبلا
و في هذه الاثناء ديري العسل في الطاوة و تخليه يسخن على النار و تسخني فنجان ماء و ديريلو ملعقتين كبار نسكافي ذوبيها مليح و اضيفي الخليط للعسل كي يطيب القاطو خليه يبرد شوية و نحيه من les moules و جيبي العسل واسقي الحبات بالبانسو اسقيهم مليح
و للتزيين ديري
الشكلاطة البيضاء و الجوز