طريقة عمل السويسرول
4 بيضات - فانيليا - 3/4 كوب سكر - م ص بيكنج بودر ممسوحة - ذرة ملح - كوب دقيق - م ك نشا .
* الطريقة : فى وعاء ناشف تماما نضع البيض و يفضل ميكنش لسه طالع من
التلاجة و الفانيليا و السكر و نشغل المضرب الكهربائى على السرعة الاولى
5 دقايق ثم نزود السرعة لحد ما يبيض البيض و يصبح الخليط كريمى و يتضاعف
حجم البيض .. نخلط الدقيق المنخول مع النشا و البيكنج و ذرة الملح و ننزل
على الخليط بس مش مرة واحدة و نقلب بالملعقة او الاسبتيولة الخليط من تحت
لفوق .. نحضر صانية فرن مربعة مقاس 28 و عليها و رقة زبدة و ضرورى ورقة
الزبدة ثم يصب الخليط و يوضع فى فرن ساخن من قبل على حرارة 180 درجة حوالى
20 دقيقة .. اول ما تطلع من الفرن نضعها دقايق علشان منسبهاش تبرد خالص و
تنشف مننا نضع عليها اى حشوة مربى او كريم شانتية و يلف السويسرول و مع
اللف ننزع الورقة منها لحد نهاية اللفة و نقفلها بورقة الزبدة كويس على شكل
الاسطوانى و توضع فى التلاجة 1/4 ساعة ثم خرجيها و تزين زى ما تحبى .
لو حبين السويسرول شيكولاته هنشيل 2 م ك دقيق و نضع مكانها 2 م ك كاكاو و الكريم شانتية هنضيفلة ايضا كاكاو او شيكولاتة سايحة .
ليست هناك تعليقات